Prosiect Ysgolion Josef Herman 2018
Mae'r delweddau hyn yn rhoi cipolwg o'r profiad a gynigir i gyfranogwyr ifanc yn ein prosiect ysgolion.
Prosiect Ysgolion Josef Herman 2017
Enghreifftiau o Brosiect Ysgol Josef Herman 2017. Ac ymweliad ag oriel gelf y Glynn Vivian yn Abertawe i weld arddangosfa o waith Herman a Phaneli’r Glowyr.
Comisiynwyd y gwaith hwn mewn 6 phanel yn 1951 ar gyfer Pafiliwn Minerals of the Island yn y Festival of Britain. Mae'n dangos 6 glöwr yn gorffwys uwchben y ddaear ar ôl eu shifft.
Prosiect Ysgolion Josef Herman 2015
Prosiect Ysgolion 2015
Arddangosfa o waith celf pobl ifanc a ysbrydolwyd gan yr artist rhyngwladol o fri Josef Herman yn Neuadd Les Ystradgynlais.
Daeth disgyblion o ysgolion Castell-nedd Port Talbot, Powys, Abertawe a Sir Gaerfyrddin at ei gilydd i nodi eu cyflawniadau fel rhan o Brosiect Ysgolion Josef Herman 2015 ac i weld gwaith creadigol ei gilydd yn cael ei arddangos, gan gynnwys amrywiaeth eang o ffurfiau celf gan gynnwys crefft papur, llyfrau, portreadau a gwaith tri dimensiwn.
Mae Prosiect Ysgolion Josef Herman wedi bod yn ddigwyddiad blynyddol ers 2000 ac mae’n cael ei arwain gan Sefydliad Celf Josef Herman Cymru. Mae’r prosiect yn gosod artistiaid mewn ysgolion i weithio gyda disgyblion i ddatblygu eu hymatebion artistig eu hunain i fywyd, amser a gwaith yr artist émigré Pwylaidd Josef Herman, a fu’n byw yn Ystradgynlais o 1944 i 1955. Cafodd cyfnod Herman yn Ystradgynlais ddylanwad mawr ar ei waith, sydd bellach yn cael ei gadw mewn llawer o brif gasgliadau ledled y byd, gan gynnwys Tate ac Amgueddfa Cymru.
Fel rhan o’r prosiect cerddodd y bobl ifanc yn ôl troed Herman drwy ymweld ag Ystradgynlais ac edrych a braslunio’r dyffryn, capeli, tai a stiwdios lle bu Herman yn byw ac yn gweithio. Buont hefyd yn ymweld â chasgliad y Sefydliad o brintiau a phaentiadau Herman mewn arddangosfa yn Neuadd Les Ystradgynlais. Yn ôl yn y dosbarth buont yn gweithio gydag artist prosiect ac yn ymchwilio archif Herman ar wefan y Tate, archwilio ei dechnegau celf yn fanwl a gwneud gweithiau celf eu hunain yn seiliedig ar yr hyn yr oeddent wedi’i ddysgu.
Eleni disgyblion o Ysgol Bro Tawe, Ysgol Brynseirfel, Ysgol Craigfelen, Ysgol Gyfun Ystalyfera ac Ysgol Y Cribath bu’n rhan o’r prosiect. Buont yn gweithio gyda’r artistiaid proffesiynol Blue MacAskill a Julian Lewis a Ffion Roberts-Drakley a Chloe Stevenson, dau artist israddedig yn eu blwyddyn olaf ym Mhrifysgol Cymru Y Drindod Dewi Sant (PCYDDS). Cyflwynwyd prosiectau Ffion a Chloe mewn partneriaeth â rhaglen Celfyddydau ar Waith yn PCYDDS, cynllun artist preswyl a oedd yn cefnogi myfyrwyr o’r brifysgol i rannu eu gwaith â’u cymuned leol.
Roedd Prosiect Ysgolion Josef Herman 2015 yn rhan o Fwyngloddio Josef Herman, rhaglen bartneriaeth dwy flynedd o weithgareddau gyda’r Tate a ariannwyd gan Gronfa Dreftadaeth y Loteri, a oedd yn archwilio gwaith ac etifeddiaeth Josef Herman trwy archifau a dysgu digidol.